Mane: “Kanselu dünyada ən yaxşılardan biridi”

“Bavariya”nın hücumçusu Sadio Mane komanda yoldaşı Joau Kanselu haqda danışıb.

Futbolxeber.az saytının məlumatına görə, seneqallı forvard portuqaliyalı müdafiəçinin mövqeyində dünyanın ən yaxşılarından biri olduğunu deyib:

“Biz yenidən gördük ki, Joau mövqeyində dünyanın ən yaxşılarından biridi. Mən çox şadam ki, onunla bir komandada forma geyirəm. Kanselunu növbəti mövsümdə də komandada görmək istərdim. Uğur qazanmaq üçün məhz bu cür futbolçulara ehtiyac duyuruq”.

Qeyd edək ki, Kanselu hazırda “Bavariya”da icarə əsasında çıxış edir. “Mançester Siti” portuqaliyalı futbolçuya 70 milyon avro qiymət qoyub.