Alba bir milyon avro itirməsi haqda: “Atama maşın almışdım...”

“Barselona”nın üzvü Jordi Alba atasına aldığı bahalı hədiyyə barədə danışıb.

Futbolxeber.az saytının məlumatına görə, ispan futbolçu atasına bir milyon avro dəyərində avtomobil aldığını bildirib:

“İlk dəfə milyon avronu “Valensiya”da oynayanda qazanmışdım. Açığı, rəqəmə elə də çox fikir vermirdim. Düzdür, pula dəyər verirəm, amma o, mənim həyatımda hər şeydən önəmli deyil. İlk milyon avroma atama avtomobil almışdım. O, 4 gündən bir məni görmək üçün Valensiyaya gəlirdi. Bir dəfə isə yük maşını ilə toqquşdu. Nəticədə ağır yük avtomobilin üzərinə düşdü və o, ciddi zərər gördü.  Atama sürpriz edib, ona “Mersedes” aldım. Əks halda, o, bununla razılaşmazdı. Süprizimə atam inanmadı, hətta sevincindən ağladı da...”