Kassano: “Roma” İtaliya futbolunun üz qarasıdı”

Antonio Kassano növbəti dəfə sabiq klubu “Roma”nı tənqid edib.

Futbolxeber.az saytının İtaliya mətbuatına istinadən verdiyi məlumata görə, veteran forvard paytaxt təmsilçisinin ölkə futbolunun üz qarası olduğunu bildirib:

“Derbidəki oyuna görə xəcalət çəkdim. Qarşıdurmalar, narazılıqlar, təhqirlər... Burda nə barədə danışasan? “Roma”nın hər oyununda ehtiyat oyunçular skamyasında yaşananlar biabırçılıqdı. “Roma” hazırda turnir cədvəlində ikinci pillədə qərarlaşmalı idi. Lakin Mourinyo bunun üçün heç nə etmədi. Onun gəlişindən sonra komandanın vəziyyəti daha da pisləşib. “Roma” İtaliya futbolunun üz qarasıdı. “Latsio” bütün komponentlərdə onları üstlədi”.

Qeyd edək ki, paytaxt derbisində “Latsio”ya 0:1 hesabı ilə uduzan “Roma” turnir cədvəlində 5-ci pillədə yuvarlanıb.