“Putin güclü liderdi, istərdim ki, Argentinanın da belə prezidenti olsun”

Rusiyanın “Orenburq” klubunda çıxış edən Brayan Mansilya maraqlı açıqlaması ilə diqqət çəkib.

Futbolxeber.az saytının məlumatına görə, argentinalı yarımmüdafiəçi Rusiya Prezidenti Vladimir Putinin ünvanına xoş fikirlər səsləndirib.

Rusiya mətbuatına müsahibəsində Mansilya “Vladimir Putini tanıyırsınızmı” sualını belə cavablandırıb:

“Əlbəttə! Mən onu çox sevirəm. Putin güclü liderdi. İstərdim ki, Argentinanın da belə prezidenti olsun”.

Qeyd edək ki, 25 yaşlı futbolçu bir müddət əvvəl Rusiya vətəndaşlığını almaq istədiyini bəyan etmişdi.