Ronaldo Ərəbistan çempionatı haqda: “Xeyli təəccübləndim”

Kriştianu Ronaldo Səudiyyə Ərəbistanı çempionatının səviyyəsi barədə danışıb.

Futbolxeber.az saytının məlumatına görə, portuqaliyalı ulduz liqanın gələcəkdə dünyada aparıcı çempionatlarından biri olacağını bildirib:

“Əl Nəsr”də olduğum üçün özümü çox yaxşı hiss edirəm. Təbii ki, vəziyyət ürəyimcə olmasaydı, burda olmazdım. Səudiyyə Ərəbistanı çempionatında rəqabət var. Əlbəttə, səviyyə İngiltərə Premyer Liqasında olduğu kimi deyil. Lakin gördüklərim məni sözün yaxşı mənasında xeyli təəccübləndirdi. Çempionatda yaxşı komandalar mübarizə aparır. Hansılar ki, heyətlərində yüksək səviyyəli - istər yerli, istərsə də xarici futbolçular çıxış edir. Əgər inkişaf plan üzrə getsə, 5-6 ildən sonra Səudiyyə Ərəbistanı çempionatı rəqabət baxımıdan dünyada 4, yaxud 5-ci yerdə ola bilər”.