Sampaoli qarşıdakı saatlarda “Sevilya”dan qovulacaq

Xorxe Sampaoli qarşıdakı saatlarda “Sevilya”dan qovulacaq.

Futbolxeber.az saytının məlumatına görə, bu barədə tanınmış menecer Fabritsio Romano sosial şəbəkə hesabında yazıb.

O bildirib ki, artıq klub rəhbərliyi yeni baş məşqçi axtarışındadır. Hazırda Xose Luis Mendilibarla danışıqlar aparılır. O, daha əvvəl “Alaves” və “Eybar”dakı işi ilə tanınıb.

Sampaoli oktyabrdan “Sevilya”da çalışır. Hazırda komanda argentinalı mütəxəssisin rəhbərliyi altında La Liqada 14-cü pillədə qərarlaşıb ki, bu nəticə klub rəhbərliyini heç cür qane etmir. Avroliqada daha uğurlu çıxış edən “Sevilya” 1/4 finala yüksəlib. İspaniya təmsilçisinin bu mərhələdəki rəqibi “Mançester Yunayted”dir.