FİFA “Krasnodar”ı cəzalandırdı

FİFA Rusiyanın “Krasnodar” klubunu cəzalandırıb.

Futbolxeber.az saytının Rusiya mətbuatına istinadən verdiyi məlumata görə, buna səbəb norveçli hücumçu Erik Butheymin ali futbol qurumuna etdiyi şikayətdir.

Belə ki, 23 yaşlı forvard sabiq klubu “Krasnodar”ın ona borclu qaldığını iddia edib.

Araşdırmadan sonra FİFA futbolçunun lehinə qərar çıxarıb - Rusiya klubu hazırda karyerasını İtaliyada davam etdirən futbolçuya 500 min avro ödəyəcək.

Qeyd edək ki, Butheym 2021-ci ilin dekabrında 8 milyon avro qarşılığında “Krasnodar”a transfer olunmuşdu.

Əlavə edək ki, Rusiya təmsilçisi qış fasiləsində “Qarabağ”dan Kadi Borgesi heyətinə qatıb. Qeyri-rəsmi məlumata görə, ruslar braziliyalı futbolçu üçün Ağdam klubuna 5 milyon avro ödəyib.