Renatın qolu “Qrasshopper”i xilas etmədi

İsveçrə kubokunda 1/8 final mərhələsinin oyunları keçirilir. 

Futbolxeber.az saytının məlumatına görə, millimizin hücumçusu Renat Dadaşovun formasını geyindiyi “Qrasshopper” doğma meydanda “Bazel”lə qarşılaşıb. 

Meydana start heyətində çıxan Renat görüşü əvəzolunmadan keçirib. Matçın 53-cü dəqiqəsində penaltidən fərqlənən Dadaşov hesabı 2:3 etsə də, bu qol mərhələ adlamaq üçün kifayət etməyib. Yekunda “Qrasshopper” 3:5 hesabıyla uduzaraq kubokla vidalaşıb.