"Ehtimal edilir ki, Mahir Emreli yol üstədir"

Azərbaycan millisinin hücumçusu Mahir Emreli bu qış "Dinamo"nu (Zaqreb) tərk edə bilər.

Futbolxeber.az saytının Xorvatiya mətbuatına istinadən verdiyi məlumata görə, qış transfer pəncərəsi zamanı Zaqreb klubundan gedişatı mümkün olan futbolçular haqda yazılıb. 

"Brunu Petkoviç DÇ-2022-də özünü yaxşı tərəfdən göstərə bildi. Əgər o, "Dinamo"da qalsa, onun keçirdiyi matçların sayını nəzərə aslaq,  şübhəsiz ki, əsas heyətin əvəzedilməz oyunçusu kimi qalacaq.  Ehtimal edilir ki, Mahir Emreli yol üstədir. Əslində isə azərbaycanlı hücumçunun nəyə qadir olduğunu göstərmək üçün imkanı olmadı", - deyə yazıda qeyd olunub.

Xatırladaq ki, M.Emreli bu ilin fevralında "Legiya"dan (Polşa) "Dinamo"ya transfer olunub. O, Xorvatiya klubunda 20 rəsmi oyun keçirib və 5 qol vurub.