Mançini: "Hakim penalti təyin etməsəydi..."

"Qalatasaray"ın baş məşqçisi Roberti Mançini "Yuventus"la heç-heçə oynadıqları oyunu (2:2) şərh edib. Futbolxeber.az-ın məlumatına görə, italiyalı mütəxəssis hakimdən narazılığını ifadə edib: "Hələ ki futbolçularımı yeni tanıyıram. Onların nəyə qadir olduqlarını tam bilmək üçün mənə müəyyən qədər vaxt lazımdı. Oyundan əvvəl də bizi böyük çətinliklərin gözlədiyini bilirdim. İkinci hissədə fiziki cəhətdən təslim olduq. Bu baxımdan mütləq daha çox çalışmalıyıq. Hakimin qəbul etdiyi penalti qərarı mənə qəribə gəldi. Deyərdim ki bu qərarla o, "Yuventus"a hədiyyə verdi. Orada penalti yox idi. Hakim kobud səhvə yol verdi. Əgər, hakim penalti təyin etməsəydi, "Yuventus" bizim qapımıza yol tapa bilməzdi".