Renat “Qrasshopers”i xilas edə bilmədi

İsveçrə çempionatında 14-cü turun oyunları keçirilir.

Futbolxeber.az saytının məlumatına görə, milli komandamızın hücumçusu Renat Dadaşovun formasını geydiyi “Qrasshopers” öz meydanında “Lütsern”i qəbul edib.

Matç qonaqların 3:1 hesablı qələbə ilə bitib. Oyuna ehtiyat oyunçular skamyasından başlayan Dadaşov ikinci hissənin startında, komandası 1:2 hesabı ilə geridə olarkən meydana daxil olub. Komandasını məğlubiyyətdən xilas edə bilməyən Renat 90-cı dəqiqədə sarı vərəqə ilə cəzalanıb.

Qeyd edək ki, 14 turdan sonra “Qrasshopers” 17 xalla 10 komanda arasında yeddinci pillədə qərarlaşıb.