Ozan Canın komandasından xal itkisi

Niderland birinci liqasında 13-cü turun oyunları keçirilir.

Futbolxeber.az saytının məlumatına görə, milli komandamızın üzvü Ozan Can Kökcünün formasını geydiyi “Eyndhoven” bu tur öz meydanında “PSV II” qəbul edib.

Meydan start heyətində çıxan Ozan Can 64-cü dəqiqədə Evan Rottierlə əvəzlənib. Millimizin üzvü meydanı tərk edərkən komandası hesabda öndə olsa da, yekunda matç heç-heçə nəticələnib - 2:2.

Qeyd edək ki, 13 turdan sonra 23 xalı olan “Eyndhoven” 4-cü pillədə qərarlaşıb. Komanda lider “Herakles”dən 5 xal geri qalır.