"Minyole "Qarabağ" kabusunu unutdurdu"

İspaniyanın "Marca" nəşri ötən gecə "Atletiko"nun (Madrid) Çempionlar Liqasının qrup mərhələsinin 4-cü turunda "Brügge" (Belçika) ilə 0:0 hesablı heç-heçəsi ilə bağlı yazı hazırlayıb.

Futbolxeber.az saytının məlumatına görə, yazıda "Atletiko"nun "Brügge" ilə 2 oyunun heç birində qol vura bilmədiyi xüsusi qeyd olunub.

Həmçinin, məqalədə dünənki matç "Atletko"nun Çempionlar Liqasının 2017/18 mövsümündə qrup mərhələsində "Qarabağ"la görüşləri (0:0, 1:1) ilə də müqayisə olunub:

"Düzdür, "Atletiko"nun hələ evdə "Bayer"lə və səfərdə "Portu" ilə oyunları var. Komanda möcüzəyə ümid etməlidir. Lakin "Atletiko"nun Çempionlar Liqasının qrup mərhələsində "Qarabağ"la oyunlardan xoşagəlməz xatirələri var".

Yazıda "Brügge"nin qapıçısı Simon Minyolenin oyunu da vurğulanıb. Hətta Məqaləyə"Minyole "Qarabağ" kabusunu unutdurdu" başlığı verilib.

Qeyd edək ki, "Atletiko" 3-cü turda "Brügge"yə 0:2 hesabı ilə uduzub, dünən isə 0:0 hesablı heç-heçə edib.