Hacı Terimə görə "Qalatasaray"a "yox" deyib

"Qalatasaray"ın məşqçi axtarışı ilə bağlı maraqlı məqam ortaya çıxıb. Futbolxeber.az-ın məlumatına görə, Fatih Terimlə vidalaşdıqdan sonra klub prezidenti Ünal Aysal ilk növbədə komandanın sabiq futbolçusu və baş məşqçisi George Hacıyla anlaşmaq istəyib. Bu haqda rumın menecer İoan Bekali açıqlama verib: "Ünal Aysal "Qalatasaray" və "Barselona" veteranları arasında oynanılacaq yoldaşlıq görüşü üçün məni və Popeskunu İstanbula dəvət etdi. Söhbət əsnasında George Hacını baş məşqçi postuna gətirmək istədiyini bildirdi. Hacı onun ilk namizədi idi. Lakin bu variant alınmadı. Hacı bu təklifi qəbul edəcəyi halda, Terimə hörmətsizlik etmiş olacağını bildirdi. Daha sonra Aysal Mançini ilə danışıqlara başladı. Amma mən ona Trapattonini məsləhət gördüm".