"Qarabağ"ın rəqibindən 6 milyon avroluq transfer

“Qarabağ”ın Avropa Liqasının qrup mərhələsindəki rəqiblərindən olan Yunanıstan “Olimpiakos”u daha bir transfer reallaşdırıb.

Futbolxeber.az saytının məlumatına görə, Pirey təmsilçisi Danimarkanın “Kopenhagen” klubundan Pep Bieli transfer edib.

Hücumameyilli yarımmüdafiəçi ilə 5 illik müqavilə imzalanıb. “Olimpiakos” 25 yaşlı yarımmüdafiəçinin transferi üçün Danimarka klubuna 6 milyon avro ödəyib.

Qeyd edək ki, 2019-cu ildən Danimarka klubunda çıxış edən ispaniyalı futbolçu bu komandada 128 oyuna 32 qol və 28 məhsuldar ötürmə ilə yadda qalıb.