“Əvəzləməyim üçün işarə etməyə hazırlaşırdım, amma top önümə düşdü və qol vurdum”

“Viktoriya”nın futbolçusu Yan Kliment Çempionlar Liqasının pley-off mərhələsində “Qarabağ”ı məğlub etdikləri (2:1) oyundan sonra açıqlama verib.

Futbolxeber.az saytıın məlumatına görə, komandasının qələbə qolunu vuran çexiyalı hücumçu erkən əvəzlənməsinin səbəbini də izah edib:

“Qələbə qolunu vura bildiyim üçün xoşbəxtəm. Qoldan təxminən üç dəqiqə əvvəl qapıçıya tərəf qaçanda əzələm yırtıldı. Qaça bilmirdim, amma əvəzlənmək üçün kənara işarə verməyə vaxtım yox idi. Əvəzləməyim üçün işarə etməyə hazırlaşırdım, amma elə oldu ki, ondan əvvəl gözləmədiyim halda top önümə düşdü və qol vurdum”.