Avro-2020: Türkiyədən erkən vida

Avro-2020-nin qrup mərhələsində üçüncü tura start verilib.

Futbolxeber.az saytının məlumatına görə, 10-cu oyun günündə 2 görüş keçirilib.

A qrupunda Türkiyə millisi Bakıda İsveçrə ilə qarşılaşıb. Ən yaxşı qrup üçüncüsü kimi 1/8 finala çıxmaq istəyən Şenol Günəşin komandası bu oyunda da uduzaraq, qitə birinciliyi ilə xalsız vidalaşıb.

Digər matçda isə İtaliya Uelslə üz-üzə gəlib. Oyun italyanların 1:0 hesablı qələbəsi ilə başa çatıb. Bununla da “Skuadra Adzurra” qrup mərhələsini top buraxmadan maksimum nəticə ilə başa vurub.

Topların daha yaxşı fərqinə görə Uels ikinci, İsveçrə millisi isə üçüncü olub. Uels yığması 1/8 finala adlayıb. İsveçrə millisinin isə ən yaxşı qrup 3-cüsü kimi 1/8 finala çıxıb-çıxmayacağı digər qrupların oyunlarından sonra bilinəcək.

Avro-2020

A qrupu, 3-cü tur

20 iyun

İsveçrə - Türkiyə 3:1

Qollar: Seferoviç, 6 (1:0), Şakiri, 26 (2:0), Kahveci, 62 (2:1), Şakiri, 68 (3:1)

Baş hakim: Slavko Vinçiç (Sloveniya)

Bakı Olimpiya Stadionu

İtaliya - Uels 1:0

Qol: Pessina, 39

Qırmızı vərəqə: Ampadu, 55 (Uels)

Baş hakim: Ovidiu Hatseqan (Rumıniya)

Roma, "Olimpiko" stadionu