Qaret Beyl sabah "Real"ın heyətində debüt edəcək

Dünyanın ən bahalı futbolçusu Qaret Beyl sabah "Real"ın heyətində debüt edə bilər. Futbolxeber.az-ın məlumatına görə, bu haqda "Kral klubu"nun baş məşqçisi Karlo Ançelotti məlumat verib. İtaliyalı mütəxəssis qeyd edib ki, Beyl "Vilyarea"la matçda meydana çıxa bilər: "Beyl son vaxtlar meydana çıxmayıb. Amma onun fiziki durumunda heç bir problme yoxdur. Hələ dəqiq bilmirəm, onu meydana buraxmaq olar, ya yox. Lakin Beylin adını oyunun iştirak ərizəsinə daxil etməmək üçün heç bir səbəb görmürəm. Beyl əla oyunçudur. O ciddi şəkildə hazırlıq keçir. Bəzi klublar ona bizdən də artıq pul təklif edirdi. Amma o, məhz "Real"ı seçdi".