Nicatın komandası evdə uduzdu

Futbol üzrə Gürcüstan çempionatında 17-ci turun oyunları keçirilib.

Futbolxeber.az saytının məlumatına görə, Nicat Qurbanovun formasını geyindiyi “Samtredia” doğma meydanda Batumi “Dinamo”su ilə qarşılaşıb.

Futbolçumuzun komandası bu oyundan məğlubiyyətlə ayrılıb - 1:2.

Nicat görüşün iştirakçısı olmayıb. Cari mövsümdə 4 qola imza atan Qurbanovun adı iştirak ərizəsinə düşməyib.

Qeyd edək ki, 17 turdan sonra hesabında 19 xal olan “Samtredia” 10 komanda arasında 7-ci pillədə qərarlaşıb.