Robin Van Persi: "Estoniyada 1 xal qazandığımıza görə sevinməliyik"

Hollandiya millisinin hücumçusu Robin Van Persi DÇ-2014-ün seçmə mərhələsi çərçivəsində səfərdə Estoniya ilə heç-heçə oynadıqları (2:2) matçı şərh edib. Futbolxeber.az-ın məlumatına görə, təcrübəli forvard rəqibin əla formada olduğunu qeyd edib: "Kim bu cür gedişatı gözləyərdi? Amma məhz bu cür oyunlara görə də futbol sevilir. Təbii ki, qələbə qazana bilmədiyimizə görə məyusam. Bu, futbolun tərkib hissəsidir. Çoxları düşünürdü ki, biz asan qələbə qazanacağıq. Amma Estoniya millisinin üzvləri əla formadadı. Xüsusən də qapımıza 2 qol vuran Vasilyev. Qələbə bir yana, son dəqiqədə 1 xal qazandığımıza görə sevinməliyik".