“Bavariya” çempionluğunu rəsmiləşdirdi

Almaniya Bundesliqasında 32-ci tura start verilib.

Futbolxeber.az saytının məlumatına görə, “Bavariya” səfərdə “Verder”in qonağı olub.

Matç Münhen klubunun 1:0 hesablı qələbəsi ilə yekunlaşıb. Levandovskinin 42-ci dəqiqədə vurduğu qol qarşılaşmanın taleyini həll edib.

Bu qələbə sayəsində “Bavariya” çempionluğunu rəsmiləşdirib. Xallarının sayını 76-ya çatdıran Münhen təmsilçisi ən yaxın izləyicisi, 1 oyun artıq keçirdiyi Dortmund “Borussiya”sını 10 xal qabaqlayır.

Bu, “Bavariya”nın ardıcıl 8-ci, ümumilikdə 30-cu çempionluğudur.