Bundesliqada 31-ci tur start götürdü

Almaniya Bundesliqasında 31-ci tura start verilib.

Futbolxeber.az saytının məlumatına görə, turun açılış oyununda “Leyptsiq” səfərdə “Hoffenhaym”dan üstün olub.

Almaniya Bundesliqası

31-ci tur

12 iyun

“Hoffenhaym” - “Leyptsiq” 0:2

Qollar: Olmo 9; 11

Bu qələbə sayəsində xallarının sayını 62-ə çatdıran “Leyptsiq” üçüncü pillədəki mövqeyini gücləndirib. “Hoffenhaym” isə 43 xalla əvvəlki kimi 7-cidir. Turnir cədvəlinə 70 xalla “Bavariya” başçılıq edir. Dortmund “Borussiya”sı 63 xalla ikincidir.

Qeyd edək ki, turun digər oyunları şənbə və bazar günü keçiriləcək.