Superliqa davam edir: bu gün “Fənərbaxça” və “Trabzonspor” meydana çıxır

Bu gün Türkiyə Superliqasının oyunları bərpa oluacaq.

Futbolxeber.az saytının məlumatına görə, ilk oyun günündə 2 qarşılaşma keçiriləcək.

27-ci tur çərçivəsində “Fənərbaxça” öz meydanında "Kayserispor"u qəbul edəcək. Lider “Trabzonspor” isə “Göztəpə”nin qonağı olacaq. Hər 2 görüş Bakı vaxtı ilə 22:00-da start götürəcək.

Qeyd edək ki, 26 turdan sonra “Trabzonspor” və “Başakşehir” 53 xalla şərikli liderdilər. 50 xalı olan “Qalatasaray” üçüncü pillədə qərarlaşıb. “Sivasspor” 49 xalla dördüncü, “Beşiktaş” 44 xalla beşinci, “Alanyaspor” 43 xalla altıncı, “Fənərbaxça” isə 40 xalla yeddinci yeri tutur.