"Traktor"dan ardıcıl 4-cü qələbə

İran çempionatında 16-cı turun oyunları davam edir.

Futbolxeber.az saytının məlumatına görə, Cənubi Azərbaycanı təmsil edən "Traktor" "Paykan"ın qonağı olub. Matç Təbriz klubunun 3:2 hesablı qələbəsi ilə başa çatıb.

Bütün qolların ikinci hissəyə təsadüf etdiyi matçda “Traktor” sona 3 dəqiqə qalmış fərqlənməklə aktivinə 3 xalı yazıb. Bunula da, komanda ardıcıl 4-cü qələbəsini qazanıb.

Qeyd edək ki, "Traktor" 16 turdan sonra  turnir cədvəlində 30 xalla 3-cü pillədə qərarlaşıb. "Persepolis" 34 xalla 1-ci, "Sepahan" 31 xalla 2-cidir.