Lempard “Çelsi”nin tarixinə düşdü

“Çelsi” Çempionlar Liqasının qrup mərhələsinin ilk turunda öz meydanında “Valensiya”ya 0:1 hesabı ilə uduzub.

Futbolxeber.az saytının xarici KİV-ə istinadən verdiyi məlumata görə, bununla da gənc məşqçi London klubunun tarixinə düşüb. Lakin uğursuz nəticə ilə.

Belə ki, Lempard klub tarixində Çempionlar Liqasında debüt matçında uduzan ilk baş məşqçidir. Lemparda qədər “Çelsi”ni çalışdıran məşqçilərin rəhbərliyi altında komanda ÇL-dəki ilk görüşündə qələbə qazanıb. Yalnız 1999-ci ildə Canluko Viallinin rəhbərliyi altında “zadəganlar” “Milan”la heç-heçə oynayıb - 1:1.