Simeone: “Həmişə demişəm, gələcəkdə “İnter”i çalışdıracağam”

“Atletiko”nun baş məşqçisi Dieqo Simeone gələcəkdə “İnter”i çalışdıracağını deyib.

Futbolxeber.az-ın “Football İtalia”ya istinadən verdiyi məlumata görə, argentinalı mütəxəssis hazırda bütün fikrini Madrid klubunun uğurlarına yönəltdiyini bildirib:

“İtaliyalı jurnalistlər daim mənə bu haqda sual verirlər. Həmişə demişəm, gələcəkdə “İnter”i çalışdıracağam. İndi isə komandanın baş məşqçisi var və o, işinin öhdəsindən gəlir. Mən isə bütün fikrimi “Atletiko”ya yönəltmişəm.

“İnter”in nə vaxt baş məşqçisi olacağam? Bunu dəqiq bilmirəm. “Atletiko” ilə müqaviləm 2020-ci ildə bitir və ona qədər hələ 2 il var”.

Qeyd edək ki, Simeone 1997-1999-cu illərdə “İnter”də çıxış edib.