“Roma”nın futbolçusu: "Qarabağ” bura qədər gəlibsə, deməli, ÇL-ə layiq komandadır

UEFA Çempionlar Liqasında “Qarabağ”ın rəqibi olan “Roma”nın futbolçusu Kevin Strotman açıqlama verib.

 

Futbolxeber.az xəbər verir ki, o, açıqlamasında “Qarabağ”la oyundan danışıb. 

 

Strotman çempionumuzun böyükhesablı məğlubiyyət aldığı üçün çətinlik çəkəcəyini bildirib: “Qarabağ”a qarşı oyun çətin keçəcək. Amma rəqib də əziyyət çəkəcək. Axı, onlar ilk matçda səfərdə 0:6 hesabı ilə uduzublar. Bu, çox çətin situasiyadır. Lakin doğma azarkeşləri önündə oynamaları üstünlükdür. Biz isə təyyarə ilə 5-6 saat yol qət edəcəyik. “Qarabağ” bura qədər gəlibsə, deməli, Çempionlar Liqasına layiq komandadır. Doğma azarkeşləri önündə qalib gəlməyə çalışacaq. Bu da bizə çətinlik yarada bilər”.

 

Qeyd edək ki, “Qarabağ” – “Roma” görüşü sentyabrın 27-də saat 20:00-da Bakı Olimpiya Stadionunda keçiriləcək.