“Qəbələ” mübarizəni dayandırdı

Bu gün UEFA Avropa Liqasında üçüncü təsnifat mərhələsinin cavab görüşündə “Qəbələ” Yunanıstanın “Panatinaikos” klubu ilə üz-üzə gəlib.

Futbolxeber.az-ın məlumatına görə, Azərbaycan təmsilçisi Afinada keçirilən ilk matçda 0:1 hesablı ilə məğlub olmuşdu. Turnirdə mübarizəni davam etdirmək üçün bu gün təmsilçimizə 2 top fərqi ilə qalib gəlmək lazım idi.

Lakin Roman Qriqorçukun komandası bu vəzifənin öhdəsindən gələ bilmədi. Hesabı açmasına baxmayaraq, "Qəbələ" azarkeşlərini sevindirməyi bacarmadı. Qonaqların vurduqları 2 qol Azərbaycan təmsilçisinin Avropa Liqası turnirindəki çıxışına son qoydu. İki il dalbadal bu nüfuzlu turnirin qrup mərhələsinə yüksələn "Qəbələ" bu dəfə eyni uğura imza ata bilmədi.

UEFA Avropa Liqası

III təsnifat mərhələsi, cavab oyunu

3 avqust

21:00. “Qəbələ” (Azərbaycan) - “Panatinaikos” (Yunanıstan) - 1:2 (İkinci hissə)

Qol: Moledo, 52 (öz qapısına) - Lod, 63. Kabezas, 66.

İlk oyun - 0:1

Baş hakim: Kreyq Pauson

Baş hakimin köməkçiləri: Li Betts, Adam Nunn

Dördüncü hakim: Kevin Friend (hamısı İngiltərə)

Bakı. “Bakcell Arena” stadionu