Marat İzmaylov “Ararat”da

Moskvada ermənilərin yaratdığı “Ararat” daha bir məşhur futbolçunu transfer edib.

Futbolxeber.az saytının məlumatına görə, ötən mövsümü "Krasnodar"da keçirən Marat İzmaylov ermənilərlə müqavilə imzalayıb.

Qeyd edək ki, “Ararat” bundan əvvəl “Tottenhem”in sabiq hücumçusu Roman Pavlyuçenkonu heyətinə cəlb edib.

Xatırladaq ki, İrəvanın eyniadlı komandasının şərəfinə özünə bu adı seçən və Moskvanı təmsil edən klubun heyətində əsasən ermənilər çıxış edir. Moskva “Ararat”ı bu ilin martında təsis olunub. 2017/18 mövsümü üçün Rusiya Futbol İttifaqından lisenziya alan komanda yeni mövsümdən ikinci liqada yarışacaq.

Əlavə edək ki, Marat İzmaylov 2013/14 mövsümündə “Qəbələ”də çıxış edib (qol.az).