"Səfərdə "Neftçi"yə qol vura bilsək..."

"Skenderbeu"nun xorvat hücumçusu Pero Pejiç Çempionlar Liqasının II təsnifat mərhələsində "Neftçi"yə qarşı keçirəcəkləri oyun haqda danışıb. Futbolxeber.az-ın məlumatına görə, Pejiç "Neftçi"nin güclü komanda olduğunu deyib: "ÇL-dəki rəqibimiz "Neftçi" haqda heç bir söz deyə bilmərəm. Onu deyə bilərəm ki, rəqibimiz çox güclü komandadır. İnternetdən aldığım məlumata görə, "Neftçi" hollandiyalı futbolçuya təxminən 2 milyon avro pul xərcləyib. Bu, onların potensialını göstərir. Ancaq biz də meydana çıxaraq öz oyunumuzu oynayacağıq. Bilirik ki, Bakıya gedərək bacardığımızın 120 faizini meydanda qoymalıyıq. Düşünürəm ki, səfərdə qol vura bilsək, mərhələ keçmək şanslarımız böyük olacaq".

Qeyd edək ki, 2012-ci ildən Albaniya çempionunun şərəfini qoruyan xorvat forvard 23 oyunda 12 qol vurub.