Rusiya klubunu Antalyada oteldən qovmaq istəyiblər

Rusiyanın “Luç-Energiya” klubu ciddi maliyyə problemləri yaşayır.

Futbolxeber.az saytının məlumatına görə, hazırda Antalyada təlim-məşq toplanışında olan komanda üzvləri qaldıqları oteldə ciddi problemlə üzləşib.

Belə ki, otel xərclərini vaxtında ödəməyən “Luç-Energiya”nın üzvləri qovmaq istəyiblər. Yalnız danışıqlar prosesindən sonra ortaq məxrəcə gəlmək mümkün olub. Klub rəhbərliyi qarşıdakı günlərdə bütün ödənişləri edəcəklərinə təminat veriblər.

Qeyd edək ki, “Luç-Energiya”nın üzvlərinin geri uçmaq üçün biletləri də hələ alınmayıb. Rəhbərlik futbolçulara bileti öz hesablarına almağı təklif edib. Bildirilib ki, sonradan həmin pullar futbolçulara ödəniləcək.