“Sevilya”nın prezidenti: “Çempionluq bizlik deyil”

“Sevilya”nın prezidenti Xose Kastro Karmona La Liqadakı çempionluq mübarizəsini dəyərləndirib.

Futbolxeber.az saytının məlumatına görə, o, komandasının qızıl medalları qazanmaq şansının çox çətin olduğunu bildirib:

“Hazırkı vəziyyətdən tam razıyıq. Lakin durumu ayıq başla dəyərləndirmək lazımdır. Çempionluq bizlik deyil. Qızıl medallar uğrunda “Real” və “Barselona” yarışacaq.

Biz realistik. Təslim olmaq fikrində deyilik. Məqsədimiz Çempionlar Liqasında çıxış etmək imkanı verən yerlərdən birini tutmaqdır”.

Qeyd edək ki, hazırda “Sevilya” lider “Real”dan 1 xal geri qalmaqla turnir cədvəlində ikinci yeri tutur.