ÇL: Daha 5 klub 1/8 finalda

Çempionlar Liqasının qrup mərhələsində V turun oyunlarına start verilib.

Futbolxeber.az saytının məlumatına görə, keçirilən 8 oyundan sonra 1/8 finala yüksələn komandalardan daha 5-nin adı məlum olub.

“E” qrupunda “Monako” sona 1 tur qalmış həm növbəti mərhələyə vəsiqəni, həm də qrup birinciliyini təmin edib. Moskvada xal itirməsinə baxmayaraq, “Bayer Leverkuzen” də 1/8 finala adlayıb. Çünki son turda Almaniya klubunun “Tottenhem”lə oyunlarda xalları bərabərləşsə belə, şəxsi oyunlardakı göstəriciyə görə rəqibini qabaqlayacaq.

“F” qrupunda mübarizə aparan “Real” da 1/8 finala vəsiqəni rəsmiləşdirib.

“Kral klubu” kimi ÇL-in debütantı “Lester”, eləcə də favoritlərdən olan “Yuventus” da ən yaxşı 16 komanda arasına yüksəliblər.