“A” seriyasının ən yüksəködənişli futbolçusu kimdir?

“Gazzetta dello Sport” “A” seriyasının ən yüksəködənişli futbolçularının siyahısını tərtib edib. Futbolxeber.az saytının məlumatına görə, İtaliya çempionatında ən çox məvacib alan futbolçu Qonsalo İquaindir. Argentinalı forvardın illik əmək haqqısı 7,5 milyon avrodur. “Roma”nın yarımmüdafiəçisi Daniele De Rossi İquaindən 1 milyon avro az qazanır. Sıralamada 3-4-cü yerləri 4,5 milyon avro ilə “Roma”nın hücumçusu Edin Dzeko və “Yuventus”lu Miralem Pyaniç bölüşdürür.

Qeyd edək ki, “A” seriyasının ən yüksəködənişli futbolçularının simvolik yığmasında yer alan 11 nəfərdən 8-i “Yuventus”da forma geyir.