“Daçiya” “Kəpəz”lə oyundan öncə 2 yoxlama görüşü keçirəcək

Avroliqanın I təsnifat mərhələsində “Kəpəz”in rəqibi olan Moldovanın “Daçiya” klubu Bakı səfərinə qədər 2 yoxlama oyunu keçirəcək. Futbolxeber.az saytının məlumatına görə, Moldova çempionatının gümüş mükafatçısı bu gün “Zarya” ilə qarşılaşacaq. İyunun 23-də isə “Daçiya” Rusiyanın “Kuban” klubunu sınağa çəkəcək.

Xatırladaq ki, “Kəpəz” və “Daçiya” arasındakı ilk oyun iyunun 28-də “Dalğa Arena”da baş tutacaq.