Yan Kozak: “Uelsin bəxti gətirdi”

Slovakiya millisinin baş məşqçisi Yan Kozak AVRO-2016-nın ilk turu çərçivəsində Uelsə uduzduqları oyundan danışıb. Futbolxeber.az saytının məlumatına görə, o, 1:2 hesablı yenilgini bəxtlə əlaqələndirib: “Bu məğlubiyyəti qəbul etmək çətindir. Bilirdim ki, hesabı açan komanda böyük üstünlük qazanacaq. Uelsin yaxşı müdafiə xətti var. Hücumda isə onlar çox təhlükəli oyunçulara sahibdirlər. Matçın əvvəlində hesabı açmaq üçün imkanımız oldu. Təəssüf ki, Hamşik şansından istifadə edə bilmədi. İlk yarıda tez-tez top itirirdik. Fasilədən sonra daha yaxşı oynadıq. Sona qədər açıq oyun getdi. Uelsin bəxti gətirdi. Heç-heçə daha ədalətli nəticə olardı”.