Levandovski “Benfika” ilə oyundan öncə avtomobil qəzasına uğrayıb

“Bavariya”nın aparıcı hücumçusu Robert Levandovskinin dünən Çempionlar Liqasının 1/4 final mərhələsinin cavab oyunu çərçivəsində “Benfika”ya qarşı baş tutan görüşdə ehtiyatda qalmasının səbəbi məlum olub. Futbolxeber.az saytının məlumatına görə, polşalı forvard matçdan bir neçə gün əvvəl avtomobil qəzasına düşüb. Bu haqda Münhen klubunun idman direktoru Mattias Zammer məlumat verib: “Mən Levandovskinin oyuna ehtiyat oyunçular skamyasından başlayacağını bilmirdim. Avtomobil qəzasına bir çox insanlar uğrayır. Lakin bu, hər ulduz futbolçunun başına gəlmir. Robertin ciddi problemi yoxdu. Onun sağlamlığı qaydasındadır. Orada kiçik bir insident yaşanıb”.