“Milan”ın qapıçısı üçün daha bir müştəri

“Milan”ın gənc qapıçısı Canluici Donarummaya daha bir klub elçi düşüb. Futbolxeber.az saytının məlumatına görə, “Real”, “Barselona”, “Mançester Yunayted” və “Mançester Siti”nin ardınca “Çelsi” də 17 yaşlı qolkiperi heyətinə qatmaq istəyir. Yayda Tibo Kurtua London klubunu tərk etsə, “Çelsi” belçikalının əvəzinə məhz Donarummanı transfer etməyi planlaşdırır. Gənc qolkiper üçün “Çelsi” 38 milyon avro ödəməyə hazırdı.

Xatırladaq ki, bir müddət əvvəl “Milan” rəhbərliyi Donarummanın satılmadığını bəyan etmişdi. Lakin bu günlərdə “Qırmızı-qaralar”ın 40 milyon avro qarşılığında 17 yaşlı futbolçuyla vidalaşmağa hazır olduğu barədə xəbərlər yayılıb.