"Məgər, Azərbaycana qalib gəlmək böyük problemdir?"

Dünya çempionatı 2014-ün seçmə mərhələsində milli komandamızın da yer aldığı qrupda iyunun 7-də keçiriləcək Portuqaliya - Rusiya matçından öncə xoşagəlməz olay yaşanıb. Futbolxeber.az-ın məlumatına görə, Portuqaliya qəzetlərindən birində azarkeşlər kapitan Kriştianu Ronaldonu tənqid atəşinə tutublar. Fanatlar 28 yaşlı hücumçudan Braziliyadakı dünya çempionatına düşməmək riski altında olan komandanın oyununu yaxşılaşdırılması sərt formada tələb ediblər. Azarkeşlər millinin pis çıxışında məhz Ronaldonu günahlandırırlar: “Əlbəttə, “Real”da daim qol vurmaq yaxşıdır. Ancaq unutmaq lazım deyil, bizim üçün əsas yığmadır. Milli cari seçmə mərhələdə faciəvi durumdadır! Bunda isə ilk növbədə Ronaldo günahkardır. Bəli, yığmada klubdakı kimi komanda yoldaşların yoxdur. Bununla belə, bəs ustalıq səviyyəsi və qol vurmaq bacarığı hardadır? Məgər, Azərbaycanla Şimali İrlandiya belə güclüdür ki, onlara qalib gəlmək böyük problemdir? Əgər Ronaldo özünü doğrultmaq istəyirsə, onda Rusiya ilə qarşıdakı oyunda bu komandanı “məhv edib”, azarkeşlərə ümidini qaytarmalıdır”.