“Qəbələ”nin sabiq futbolçusunun ölkədən çıxışına qadağa qoyulub

“Anji”nin futbolçusu Leonardo da Silva problemlə üzləşib. Futbolxeber.az-ın məlumatına görə, bu haqda braziliyalı futbolçunun meneceri Dmitri Selyuk açıqlama verib. O qeyd edib ki, Braziliya hökuməti futbolçunun ölkədən çıxışına qadağa qoyub. Bu səbəbdən də Leonardo hələ də “Anji”nin düşərgəsinə qayıda bilmir.

Mahaçqala klubunun BƏƏ-dəki ilk təlim-məşq toplanışını buraxan futbolçu, ikinci hazırlıq planında da kənarda qalır. Selyuk qeyd edib ki, Leonardo da Silva ilə bağlı qadağanın nə vaxt qaldırılacağı qeyri-müəyyəndir.

23 yaşlı futbolçu 36 yaşlı qadının ölümü ilə yekunlaşan avtomobil qəzasında günahkar hesab olunur.

Xatırladaq ki, Leonardo da Silva “Anji”dən öncə “Qəbələ”nin formasını geyib.