Mihayloviç: “Bu “Milan” mövsümün ilk yarısındakı komanda deyil”

“Milan”ın baş məşqçisi Sinişa Mihayloviç “A” seriyasının 23-cü turunda “Palermo” üzərində qazandıqları 2:0 hesablı qələbəni şərh edib. Futbolxeber.az-ın məlumatına görə, serb mütəxəssis bunları söyləyib: “Bütün oyun boyu stabil çıxış etdik. Birinci hissədə üstünlük tamamilə bizim tərəfimizdə idi. Fasilədən sonra isə oyun nəzarət etdik. Qələbəyə tam layiq idik. Komandamın çıxışından razıyam. Derbidən sonra komandamızın reaksiyası mənim üçün çox maraqlı idi. Yekunda da istədiyimi aldım. Bu “Milan” mövsümün ilk yarısındakı komanda deyil. Artıq Avroliqa zonasındayıq. Mövsümün əvvəlində problemlərimiz mövcud idi. Hazırda oyundan oyuna artırırıq”.