Falkao dünyanın ən bahalı altıncı futbolçusu oldu

"Monako"nun yeni transferi Radamel Falkao dünyanın ən bahalı futbolçularının siyahısına daxil olub. Futbolxeber.az-ın məlumatına görə, kolumbiyalı forvard dünyanın ən bahalı futbolçularının sıralamasında altıncı pillədə qərarlaşıb. Kolumbiyalı forvardın keçidi 60 milyon avro həcmində dəyərləndirilir. Falkao həm də keçidinə görə 50 milyondan çox pul xərclənən sayca onuncu futbolçu olub. Maraqlıdır ki, dünyanın 4 ən bahalı futbolçusunun keçidini "Real" reallaşdırıb. Eləcə də ən bahalı 5 oyunçu İspaniya La Liqasında çıxış etdiyini əlva edək. Dünyanın ən bahalı futbolçularının siyahısını təqdim edirik:

1. Kriştianu Ronaldo (MY - Real) - 94 milyon avro

2. Zinəddin Zidan (Yuventus - Real) - 74,5 milyon

3. Fiqu (Barselona - Real) - 70 milyon

4. Kaka (Milan - Real) - 64,5 milyon

5. Zlatan İbrahimoviç (İnter - Barselona) - 61 milyon

6. Falkao (Atletiko - Monako) - 60 milyon

7. Halk (Portu - Zenit) - 59,5 milyon

8. Fernando Torres (Liverpul - Çelsi) - 58,5 milyon

9. Ernan Krespo (Parma - Latsio) - 55,5 milyon

10. Canluici Buffon (Parma - Yuventus) - 52,5 milyon