"Neymarın saş düzümünü bəyənmirəm"

İspaniya millisinin keçmiş baş məşqçisi, hazırda "Sportinq Xixon" klubunu çalışdıran Xavyer Klemente braziliyalı futbolçu Neymarın "Barselona"ya transfer olunmasına münasibət bildirib. Futbolxeber.az-ın məlumatına görə, ispan məşqçi Neymar haqda mənfi fikirlər səsləndirib: "Neymar haqda geniş məlumatım yoxdur. Onun çıxışını yalnız televizordan izləmişəm. Bu səbəbdən də onun necə futbolçu olması haqda qəti bir söz deyə bilmərəm. Amma ilk baxışdan onda bəyənmədiyim məqamlar var. Onun personası ətrafında yaradılan ajiotajı heç bəyənmirəm. Eləcə də onun saç düzümü heç xoşuma gəlmir. Amma hesab edirəm ki, "Barselona" və "Real"ın onun üstündə mübarizə aparıblarsa, deməli Neymar yaxşı futbolçudur".