Emin Ağayev: “Zenit”ə qarşı layiqli mübarizə apardıq”

Millimizin sabiq üzvü, hazırda Tver “Volqa”sını çalışdıran Emin Ağayev komandasının Rusiya kubokunda “Zenit”ə əlavə vaxtda 0:3 hesablı məğlubiyyətini şərh edib. Futbolxeber.az-ın məlumatına görə, Ağayev əlavə vaxtda qapılarında 3 qol görmələrinin səbəbini belə izah edib: “Zenit”in oyunçuları fiziki cəhətdən güclüdürlər. Bu, Premyer Liqa səviyyəsidir. Biz dözmədik və qapımızda ardıcıl qollar gördük. Bu futboldur. “Zenit”in oyunçularının ustalıq səviyyəsi daha yüksəkdir. Biz layiqli mübarizə apardıq. Amma bu kubok oyunu idi və 90 dəqiqədən sonra da oynamağa məcbursan”.