“Qəbələ”nin rəqiblərinin oyununda Avroliqanın rekordu qeydə alındı

Avroliqanın qrup mərhələsində yeni rekord qeydə alınıb. Futbolxeber.az-ın məlumatına görə, “Qəbələ” ilə eyni qrupda yer alan “Borussiya” və “Krasnodar”ın görüşünü (3:1) canlı olaraq stadiondan 55200 azarkeş izləyib. Bu isə qrup mərhələsi üçün yeni rekorddur. Buna qədər ən yaxşı göstərici 53123 nəfər idi (“Şalke” - “Styaua” matçı).  

Qeyd edək ki, ümumilikdə Avroliqanın tarixində ən çox azarkeş “Dinamo” (Kiyev) - “Everton” matçında qeydə alınıb. Ötən il 1/8 final mərhələsində Ukrayna paytaxtında baş tutan həmin görüşü 67553 azarkeş izləyib.