“Krasnodar” “Qəbələ” önünə xalsız çıxacaq

Avroliqanın qrup mərhələsində “Qəbələ”nin yer aldığı qrupun digər matçı Dortmundda baş tutub. Futbolxeber.az-ın məlumatına görə, “Borussiya” “Krasnodar” üzərində əzmkar qələbə qazanıb - 2:1. 12-ci dəqiqədə Mamayevin qolu ilə hesabda geri düşən almanlar Ginterin 45+1 və Parkın 90+3-cü dəqiqədə vurduğu qollarla qalib gəlib.

Xatırladaq ki, “Qəbələ” növbəti turda - oktyabrın 1-də səfərdə “Krasnodar”ın qonağı olacaq. “Borussiya” isə PAOK səfərinə yollanacaq.