Ramil Şeydayev: “Əsas rekord vurmağım yox, finala yüksəlməyimizdir”

Rusiyanın 19 yaşadək futbolçulardan ibarət milli komandasının hücumçusu, əslən azərbaycanlı Ramil Şeydayev gənclər arasında keçirilən Avropa çempionatlarının seçmə və final mərhələlərində ən çox qol vuran futbolçu kimi tarixə düşməsindən danışıb.  Futbolxeber.az-ın məlumatına görə, Şeydayev onun üçün komanda uğurunun daha böyük əhəmiyyət kəsb etdiyini qeyd edib: “Əvvəldən rekord haqda düşünmürdüm. Bu barədə heç məlumatım da yox idi. Rekorda imza atsam da, bunda xüsusi heç nə görmürəm. Əsas odur ki, komanda Avropa çempionatının finalındadır. Təbii ki, finalda da qol vurmağı çox istəyirəm. Bu alınmasa, əvəzində komandam çempion olsa, qətiyyən təəssüflənməyəcəyəm”.