“Qəbələ”nin diqqətinə: “Dinamo” Sloveniyada ardıcıl ikinci qələbəsini qazandı

Avroliqanın ilk mərhələsində “Qəbələ”nin rəqibi olan Tiflis “Dinamo”su Sloveniyada təlim-məşq toplanışını başa vurub. Futbolxeber.az-ın məlumatına görə, hazırlıq prosesinin son yoxlama matçında Gürcüstan təmsilçisi Sloveniyanın “Zavrc” klubu ilə qarşılaşıb. “Dinamo” meydana aşağıdakı heyətlə çıxıb: “Dinamo”: Hrdlicka (Beqaşvili 46), Kakabadze (Tvildiani 60), Çelidze, Quruli, Totadze (Gvelesiani 60), Tsintsadze (Tçanturişvili 46), Parunaşvili, Lobzhanidze, Papunaşvili, Kiteişvili (Jighauri 60), Kvilitaia (Volkov 46, Japiaşvili 69)

Matç “Dinamo”nun 2:0 hesablı qələbəsi ilə tamamlanıb. Gürcülərə qələbə gətirən qolları 6-cı dəqiqədə Kvilitaia, 90-cı dəqiqədə isə Papunaşvili vurub.

Qeyd edək ki, Sloveniyada “Dinamo” ümumilikdə 3 oyun keçirib. Daha əvvəl Makedoniya “Şkendiya”sına 0:1 hesabı ilə uduzan “Dinamo”, ikinci oyununda yerli “Domjale” 3:1 hesabı ilə məğlub edib.

Əlavə edək ki, “Domjale” - “Dinamo” oyunu Avroliqanın püşkatmasından öncə baş tutub. Avroliqanın ikinci mərhələsində “Dinamo” - “Qəbələ” cütünün qalibi, “Domjale” - “Çurakiçki” cütündə üstün olacaq komanda ilə qarşılaşacaq.