“Yuventus”dan 32 milyon avroluq transfer

“Palermo”nun hücumçusu Paulo Dibalanın “Yuventus”a keçidi rəsmiləşib. Futbolxeber.az-ın məlumatına görə, bu haqda Turin klubunun rəsmi saytı xəbər yayıb. Argentinalı futbolçu ilə 5 illik müqavilə imzalanıb. 21 yaşlı hücumçuya görə “Qoca Sinyora” 32 milyon avro ödəyəcək.

Qeyd edək ki, son mövsümdə Dibala “A” seriyasında meydana çıxdığı 34 oyunda 13 qol vurub və 12 məhsuldar ötürmə müəllifi olub.