Braziliyalı Ronaldo yaşıl meydana qayıdır

Ötənlərin məşhur futbolçusu Ronaldo yaşıl meydana qayıdır. Futbolxeber.az-ın məlumatına görə, bu haqda “Yekədiş”in özü açıqlama verib: “1 il əvvəl mən Floridada “Fort Loderdeyl Straykers” adlı klubu aldım. Bu komanda Amerikanın NASL liqasında mübarizə aparır. Mən də payızda keçiriləcək pley-off oyunlarında meydana çıxmaq istəyirəm. Başa düşürəm ki, 38 yaşım var və bu yaşda forma yığmaq həddindən artıq çox çətindir. Hər gün idmanla məşğul oluram. Lakin həvəskar səviyyədə. Aydın məsələdir ki, ilk növbədə çəki atmalıyam. Əlimdən gələni edəcəyəm ki, meydana qayıda bilim”.